Vawiin khan Dr Lalrozama, IAS District Election Officer/District Bawrhsap chuan  kan hma lawka Member of Parliament kan hmachhawn tura Tripura Transit Camp-a Reang (Bru) te'n kokim zawk leh boruak ralmuang tak hnuaia vote an thlak theihnan Kanhmun khua-a Special Polling Station siamna tur hmun hma tlawh.

Tripura Transit Camp-a Reang Bru awm te'n MP Election-a vote an thlak dan turah hian  Election Commission of India chuan thutlukna leh thuchhuah a la neilo chungin Special Polling Station Kanhmun khua-a siam a ngaih tak thut atana inbuatsaihna leh hmun hma te felfai zawk leh boruak ralmuang tak hnuaia vote thlak anih theihnan hmun hma turte hi lo zu thlithlai lawk a ni.

Mamit District Bawrhsap hi Kanhmun khua-a khawtlang hruaitu VC, Tlawmngai pawl hrang hrang YMA, MHIP, MUP te nen inkawmhona neih niin, ruah leh thli thawh thut theih hunlai anih avangin harsatna leh buaina a thlen lohna turin inbuatsaihna kalpuina tura ruahmanna tha tawk siam ni se tih a ni a. Zawlnuam Helipad dinhmun bakah Tourist Lodge, PWD IB a mikhual thlen theih dan tur dinhmunte a enfiah bawk.

Dr Lalrozama hi Mamit SP, Public Relations Officer, Mamit te bakah Addl SP, BDO Zawlnuam, SDPO Kawrthah te'n an tawiawm a ni.