Vawiin khan I&PR Conference Hall, Mamitah District Education Officer, RMSA & SSA, Mamit District buatsaihin ni hnih awh tur Data Collection on UDISE 2018-2019, Post-NAS Intervention and School Safety Awareness tih thupui hmangin Training neih a ni.

Training-ah hian Pu K. Lalsangvuana, Principal, DIET, Mamit leh Pu Lalrambuatsaiha, Dy. Director, Directorate of School Education chu Resource persons niin Pu K. Lalsangvuana chuan kan zirnate chu Elementary atanga a that a tul a, tun aia tha lehzuala kan buatsaih a tul thu a sawi a. Pu Lalrambuatsaiha, Dy. Director chuan Secondary School chuan zirlai naupangte chu khua leh tui tha ni turin a enkawl tur a ni tiin CCE chu kan la hmang thiam tawk lo a, zirtirtute'n hmang thiam tura tan kan lak a tul a ni a ti. High School naupangte chu tleirawl leh rawlthar rual an ni tawh a, an rilru mila enkawl thiam a tul thu a sawi bawk. Power point Presentation hmangin Class X result hnuhnung ber-a Mamit District zirlaite hnufumna leh an hnufumna kawnga hmalak dan tur te, zirna kawnga khawpui leh thingtlang zirlaite khaikhinna, Sorkar School leh Private School Govt. Aided te khaikhinna bakah Mizoram pum District hrang hrangte khaikhinna a tarlang bawk.

Vawiin Training-ah hian Need for School Safety, Non- Structural Mitigation and Do's and Don'ts, School Disaster Management Plan, Hands on Training of School Disaster Management Plan Evacuation chungchangah mithiamte'n zirtirna an nei a. Kalkhawmte atangin zawhna leh chhanna hun hman a ni bawk.

Training hi Pi R. Lalnunthari, District Education Officer-in kaihruaiin Training-ah hian Mamit District chhunga High School, Sorkar School leh  Private School Govt. Aided - a Headmaster zawng zawng bakah zirna lam Office hrang hrang atanga thawktute an tel a. Training hi naktukah chhunzawm leh a ni ang.