Vawiin khan Government Mamit High School-ah Systematic Voter's Education & Electoral Participation (SVEEP) hnuaiah Election Office, Mamit District Buatsaihin Painting Competition  neih a ni.

He hun hmanpuitu Pu J.Miahlung Election Officer, chuan khua leh tui tha ni tur chuan vote kan thlak ngei a ngai a, Vote nei tawh phawt chuan vote thlak chu an chanvo leh mawhphurhna anih thu a sawi, kan aiawha roreltu thlang tura Vote kan thlakin, rilru fim takin,  mitha ram hruaitu tur thlan chu kan tih ngei ngei tur a nih thu a sawi. 

He painting competition kan buatsaih chhan chu vote thlak a tul zia kan tih lan theihnan mipui te hnena inpuan zar nan a tih a ni a ti bawk . He painting competition ah hian 'Voting is my right' tih chu thupuiah  hman a ni.

Govt Mamit High School- a Painting Competition buatsaih-ah hian Mamit khawpui chhunga, High School zirlai naupang 30 an tel a ni.