1956/2022-2023
Mamit 16th September, 2022 : Vawiin khan Luangpawl VFDC Hall-ah Agricultural Technology Management Agency (ATMA) leh District Agriculture Office, Mamit District tawngkawpin an buatsaih ni 2 awh Zorin Bean chin dan zirhona chu Pu Lalnunhlua, Chairman ATMA Governing Board/District Bawrhsap chuan khuallian niin kharna hun a hmanpui.

District Bawrhsap chuan kan District chhunga tha duh tak Zorin Bean chu eizawnna tlak a ching tur leh a chin dan leh enkawl zuina kawnga harsatna a awm pawha mithiam zawkte rawn tura kalkhawmte chahin, Mamit District chu Aspirational District kan nih angin Sawrkar laipui atang pawha ngaihsak leh chawikan tum kan ni a, heng tanpuinate hi a nihna taka kan hman erawh a tul thu a sawi.

Pu Lalbiakthanga Pachuau, Dy. Director & DPM, FOCUS chuan Zorin Bean chin thatna leh loneitute fuihna thu a sawi bawk.

He hun hi Dr. M.Chinlampianga, Project Director ATMA chuan kaihruaiin, Luangpawl leh Darlak khua-a loneitute hnenah Zorin Bean chi khuallian hian a sem a. Training hi ni 2 chhung neih niin vawiin hian zawhfel a ni.