4179/2023-2024

Mamit , March ni 15, 2024: Agricultural Technology Management Agency (ATMA), Mamit District leh District Fisheries Development Office, Mamit District-te buatsaihin DFDO Training Hall-ah Ni 11-14, March, 2024 ni 5 chhung thalai kut hna thawktute tan sangha khawi dan leh enkawl zui dan (fish rearing & management) training kalpui a ni.

Ni 5 chhung training hawnna inkhawm hi Pi Lalremsangpuii District Fisheries Development Officer chuan lo dawngsawng/buatsaihin, Dr David Malsawmkima, Deputy Project Director ATMA-Mamit District-in kal khawmte lawmna leh training kalpui dan tur a sawi a ni.

Training-ah hian Pi Lalsiamliani, Fishery Demonstrator leh Pu Jimmy Lalbiaktluanga, Fishery Demonstrator te'n dil sawngbawl dan, sangha chi hrang hrang khawi pawlh dan, sangha chaw pek dan, sangha inthlah puntir dan leh sangha khawitute tana hriat tur tul leh pawimawh dangte zirtirna an pe a ni.

Training hi Skill Training of Rural Youth (STRY) hnuaia buatsaih niin, Mamit District-a thalai sangha khawi lama tui mi Kum 18-40 inkar mi 15- te thlanchhuah an ni a. March ni 15 khan Pu Rotawma Darlak Zawlpui, dil/huanah-ah field visit neihpui niin, sangha dil puitling tawh sah, len (happa net) zar dan leh thil pawimawh dangte a taka tihpui an ni a. Training-a telte hi certificate pek vek an ni bawk.