Mamit Bazar Venga leikhi chu nizan khan nasa zawkin a che nawn leh a. Vawiin ni 22.9.2010 zingkara Emergency Meeting, Pu Zothankhuma, IAS, DC Mamit hova Head of Office, khawtlang hruaitu leh tlawmngai pawl hrang hrang hruaitute meeting thurel angin vawiin hian khawtlang huap hnatlang neih a ni a. He hnatlangah hian Mamit khawpui chhunga sorkar hnathawk zawng zawngte pawh tel vek tura hriattir an nih angin an tel a ni.
Vawiin hnatlang puiah hian in 19 thiah niin hnatlang hi an thahnem hle a, he leimin hi tun dinhmunah 20feet velin a tlahniam tawh a, tukin zing dar 1:00AM leh dar 3:00AM inkar vela tlahniam ni-a hriat a ni. A vaiin leikhi huamchhunga in hi chhungkaw 50 chenna in 43 thiah tawh a ni. Tukin zing meeting chuan chhiat tawk chhungkuate hi Indoor Stadium, DC Hall leh a tul dan angin an lo awm lailawk nan Siamliana Hall ruahman nise tiin a ruahman bawk. Hnatlang thingpui in tur hi DC Mamit-in tumin he hnatlangah hian Medical Department-in First Aid duty an in dah reng bawk a ni. Leikhi avanga harsatna tawkte hi mi harsa tak tak te an nih hlawm avangin an ei leh in tur hi DC Mamit-in a tumsak rih dawn bawk. Heng bakah hian a tul anga chhawmdawlna ngaihtuahsak turin Meeting chuan hetiang hian ruahmanna a siam a. PHE-in tui supply, DRDA-in tui dahkhawlna tuizem leh Forest Department-in a tul anga hman tur mau ngaihtuah tura tih a ni bawk.
He leikhi huamchhunga in thiahsakte hi Bazar Veng V/C Area-ah leh Hmar Veng V/C Area-ah inhmun pek tura ruahman a ni bawk.
He chhiattawhna avang hian Department hrang hrangte, YMA leh mimal tlawmngaite chuan tanpuina an pe mek zel a, tun dinhmunah tanpuina tlingkhawm hi Rs.64,100.00 tling tawhin bialtu MLA Pu John Rotluangliana'n Silpouline thahnem tawk tak a pe bawk.
He leikhi huamchhunga in thiahsakte hi Bazar Veng V/C Area-ah leh Hmar Veng V/C Area-ah inhmun pek tura ruahman a ni bawk.
He chhiattawhna avang hian Department hrang hrangte, YMA leh mimal tlawmngaite chuan tanpuina an pe mek zel a, tun dinhmunah tanpuina tlingkhawm hi Rs.64,100.00 tling tawhin bialtu MLA Pu John Rotluangliana'n Silpouline thahnem tawk tak a pe bawk.
