1823/2023-2024

Mamit 11st September, 2023 : Vawiin khan Chhimveng YMA Hall-ah Mizoram Sawrkar Flagship Programme, SEDP 2nd Phase Launching Programme hman a ni a. Er. H. Lalzirliana, Vice Chairman Road & Infrastructure Development Board, Bialtu MLA ni bawk chuan khuallian niin a hmanpui.

Khuallian Er.H.Lalzirliana chuan Mizoram Sawrkar Flagship Programme chu sawrkar a lo in tiam tawh ang ngeiin hun harsa tak a paltlang chung pawhin a tihlawhtling zel dawn a, 2nd Phase,1st Installment Launching Programme hman a ni ta chu a lawmawm hle a ni a ti. 3rd Phase atana tanpuina pawh hun reilote-ah semchhuah thuai beisei a nih thu sawiin, Sawrkar chuan chhungkaw harsa tak tak te'n leirem kan rahna tur atan SEDP hi a duang a, chhungkaw chawmnana kan lo hman tawh sa tihlen leh tihhmasawn nana kan hman hi a duh dan a ni a. He tanpuina hi sum tak tak a ni lo a nih pawhin rinawm leh taimakna nena kan hman chuan Pathianin mal a sawm dawn a, a dawngtute pawhin lawmna chang kan hriat a tul a ni a ti, Mamit District chhungah pawh SEDP sum hi tangkai taka hman a ni a, Family Oriented mai bakah SEDP Teachers leh Health Worker thahnem tak lak nana hman a nih thu a sawi bawk.

Bialtu MLA chuan Mamit Bial mipui tana hnathawk tur a nih angin, Bial mipuite tana ke a pen zel dawn thu a sawi a, tam tak tihhlawhtlin nei tawh mahse hmachhawp tam tak ala neihte tihlawhtling zel tura bial mipuite thlawpna leh beiseina chu lawmawm a tih thu sawiin, SEDP 2nd Phase 1st Instalment atan hian Mamit khawpui leh a chhehvel bakah bialchhung khaw hrang hrangah tunkar chhung hian Line Department-te nen ruahmanna siam chhunzawm a nih dawn thu a sawi bawk.

Pu V.L Remliana, District Bawrhsap pawhin Sawrkar Flagship Programme SEDP chu a dawngtute'n a nihna tur diktaka kan hman leh hman lohah a hlawhtlin leh tlinloh a in nghat dawn a, Sawrkar chuan leirem kan rah ve na atan tanpuina min pe dawn a, a nihna tura kan hman leh hman loh hi Line Department te leh khawtlang hruaitute pawhin min vil zui dawn a ni a ti. Chuvang chuan kan trade thlan theuhte tha taka hmang vek turin Beneficiaries-te a chah a ni.

SEDP 2nd Phase-ah hian Line Department hrang hrang Industry - 402, Ah & Vety - 2049, Soil & Water Conservation - 1821, Agriculture - 112, Horticulture - 119, UD&PA - 19, Fisheries - 75 leh Sericulture - 5 an vaiin Beneficiaries 4602 te a tuam dawn a ni.

Vawiin 2nd Phase Luanching Programme hi Pu V.L Remliana, District Bawrhsap chuan kaihruaiin, Pu H. Lalthlengliana, Chhimveng VCP pawhin thusawina a nei bawk.