Vawiin khan Govt Mamit College-ah District Election Branch, Mamit bultumin Systematic Voter's Education and Electoral Participation (SVEEP)/ Electoral Literacy Club (ELC) Campaign neih a ni a, Dr Lalrozama, IAS District Election Officer/ District Bawrhsap chuan khuallian niin he hun hi a hmanpui.

Dr Lalrozama chuan India khua leh tui kan nihna leh kan chanvo kan hlenchhuah theihna turin, thlalai khua leh tui pangai nihna nei, Roll a hming chuanglo kan awm a nih chuan inziak lut vek turin a chaha, Kan hma lawka MP Election kan neih turah Voters zawng zawng te'n vote kan thlak veka, vote thlak pawimawh zia midangte zirtira hrilhhretu nih tum turin zirlai kalkhawmte a chah bawk.

Pu Victor Lalawmpuia, Election Officer, Mamit chuan SVEEP/Electoral Literacy Club chungchang a hriattur hrang hrangte sawiin Pu Lalrinsanga Hnamte, SDC Mamit chuan EVM/VVPAT hmandan chungchang a lem nen zirtirna a nei bawk.

He hun hi Pi Zothanpuii Chhangte, ELC Convener chuan kaihruaiin Pu H. Ramdinpuia, ELC Convener in thusawina a nei a,  Mamit College-a zirlai te tan Extempore Speech hmanga inelna buatsaih niin zirlai thahnem tak an tel a ni.

Attachment

  • Loading attachment...