3921/2024-2025

Dated: Mamit the 23rd of January ,2025: Vawiin khan Mamit District Drug Disposal Committee hmalaknain Mamit chhunga drugs leh ruihhlo man hrang hrang halralna hun Mamit District Hospital incinerator-ah hman a ni a, Pu K Laltlawmlova, District Bawrhsap chuan he hun hi a hmanpui. Vawiin hun hi  Pu Pukhraj Kamal, IPS, SP Mamit chuan a kaihruai. 

District Bawrhsap chuan SP Mamit leh a team te hnenah lawmthu sawiin hma an lak that zarah ruihhlo tam tak man a nih thu sawiin , ruihhlo do kawngah theihtawp chhuah zel turin a fuih a. Mamit chu ram in rin na a awm anih avangin ruihhlo tawlh ruk nan hman a nih thin a, hemi do tur hian police mai ni lo YMA leh tlawmngai pawlte thahnemngai tak a thawk chhunzawm zel turin a chah bawk.

Pu Pukhraj Kamal chuan Mamit district a drugs tibo tur in theihtawpin police chuan hma an lak thu a sawi a, drugs ti lo turin thalaite chu chahin uar takin drugs do kawngah hmalak a tul thu a sawi bawk. 

Vawiin a drugs halral hi avaiin Rs 2,98,04,250 man hu niin heroin, meth leh ganja te halral an ni.