No.4431/2020-2021

Mamit 24th August, 2020 : Vawiin khan Dr. Lalrozama, IAS, District Election Officer/District Bawrhsap hovin a Office Chamber-ah Mamit khawpui chhunga MPF leh VLTF hruaitute'n kan hmaa Village Council General Election, 2020 kan hmachhawn turah hrileng laka kan him theihna atana vote thlak dan tur sawikhawm a ni.

Vawiin Meeting-ah hian kan hmaa Village Council Election lo awm turah Covid - 19 hripui leng mekah hri inkaidarhna awm lo thei ang ber tura mipuite'n vote kan thlak dan tur sawiho niin hetiang hian Mamit District chhunga vote thlak dan turah ruahmanna siam a ni.

1. 7 - 9 AM : Kum 60 chunglam leh hnathawk duh tan.

2. 9 - 9 :30 AM - Chaw ei Chawlh

3. 9 : 30 - 12 :00 Noon - Kum 45 kum 60 inkar.

4. 12 - 12:30 PM - Chhun Chawlh

5. 12:30 - 2 : 30 PM - Kum 30 leh 45 inkar.

6. 2:30 - 5 :00 PM - Kum 18 leh kum 30 inkar.

Vote thlak tur reng reng mask vuahlo chu hawtir zel an ni dawn a, chuvangin mipuite chu Mask vuah vek tur leh Social Distancing zawm vek tura ngen kan ni a. Vote thlakna hmunah hian Hand Sanitizer hmanga kut tihthianghlimsak vek kan nih dawn bakah, tui in tur leh pen mahni-a intum tur a ni bawk.

Kumin VC Election-ah hian State Election Commission-in tunlai hrileng avanga kaihhruaina a siamte tha taka kan zawm bakah Mamit District chhung a mite tan kum mila vote thlak hun Meeting-in a siamte ngaipawimawh a, zawm theuh turin mipuite ngen kan ni.

Meeting-ah hian MPF leh VLTF hruaitute bakah Addl DC, Addl SP, Election Officer leh DIPRO-te an tel a ni.