No.4432/2020-2021

Mamit 24th August 2020: Vawiin khan DC Conference Hall Mamit-ah VC Election 2020 atana Presiding Officer (PRO)-te tan Training buatsaih a ni.

Training-ah hian kan hmalawka VC Election 2020 kan neih tura inbuatsaihna hrang hrangte thlirho a ni a. Pu Victor Lalawmpuia, SDO (Sadar) chuan inthlanna felfai leh thianghlim kan neih theih nana taima taka an hna chanpualte hlen turin PRO-te hi a chah a. Hriat fiah tawk loh an neihah pawh inthlahrung lova zawt zel tura chahin Training chu tangkai taka hmang turin a chah bawk a ni.

Vawiin Training hi District Level Master Trainers Pu Victor Lalawmpuia SDO (Sadar) Mamit leh Pu Henry Malsawmtluanga, SDC Mamit te'n zirtirna an pe a ni.

Mamit-a PRO- te tan Training neih anih rual hian West Phaileng leh Zawlnuam RD Block-ah te Master Trainers te'n Training hi an pe ve bawk. Training-ah hian PRO-te an tel tha hle a ni.