Tripura Reang ( Bru) camp 6 atanga Mizoram khua leh tui Mizoram a hruaikir thawh 9 na (9 batch repatriation) Ni 3 Oct atanga thawhtan chu ni (7.10.2019) khan dodalna a awm avangin Dr Lalrozama, District Bawrhsap, Mamit chuan a hmunah kalchilhin Naisingpara Camp-ah Public  Meeting a neihpui.

Nimin Public Meeting-ah hian Dr Lalrozama chuan laklet hna kal mek chu tluang taka a kal zel theihnan leh Mizoram mi leh sa rawn let duhte chu tumah dang lova kaltir tur leh harsatna siamlo turin Camp hrang hranga awmte chu a ngen a. Tun hnai Tlangkhang Mamit District-a nupa intihthiamlohna avanga tualthihna thleng chu chi leh chi emaw hnam thil emaw a nih loh thusawiin laklet hna thawh mek nen inkaihhnawihna neilo a nih avangin hruaikir hna kal mek  tihthuanawp nana hmanglo turin a ngen bawk a ni.

District Bawrhsap chuan Mizoram mi leh sa rawn haw tawhte leh la rawn let turte chu thinlung taka an lo lawm  thu a sawi.

SP Mamit pawhin Mizoram mi leh sa hruaikir hna thawh mekah engmah harsatna awmlo turin venhimna kalpui a nih thu a sawi a. Tlangkhang buaina chungchangah thil tisualtu nia rinhlelh chu man a ni tawh thu a sawi. Hetih lai hian North Tripura Camp hrang hrang aiawhte hian anmahni hruailet tur Officials te leh Motor te chu engemaw thula boruak chhe thei laka kan him tlan zawk nan camp chhung rawn lut rih lo se an duhthu sawiin Central Sawrkara an demand hrang hrangte chu tihhlawhtlin phawt a nih loh chuan Mizoram let an duhloh thu an sawi ve bawk a ni.

Mizoram khua leh tui Mamit District chhunga hruailet tawh te hian engmah harsatna nei lovin an awm lailawkna tur Temporary Shelter-ah an khawsa mek a.  Anmahni chhawmdawlna tur tanpuina awm theite hi Mamit District Bawrhsap hian a hmuna kalchilhin a lo hlan tawh bawk a ni.

Nimin Meeting-ah hian Mamit District Bawrhsap leh SP, Officials dangte bakah  North Tripura atangin District Magistrate leh SP te an tel bawk a ni