Nimin khan Siaha District Bawrhsap Pu Bhupesh Chaudhary IAS chuan Chili Grower Society leh Handloom Society te hmalakna enpui turin Zyhno leh Lotai khua  a tlawh.

Zyhno khua a kal hma hian Tipa a GIRLS' HOSTEL a tlawh phawt a. Library a dahtur lehkhabu leh hmanraw dang te bakah Sports Goods a ngaituahsak tur thu a hrilh hlawm a.Hostel naupang te an hlim hle.

Lotai leh Zyhno khuaa Handloom Society te puantahna hmun  te tlawhin, Self Help Group te nen inkawmhona hun hlimawm tak an hmang a. Bawrhsap chuan an kutchhuak te ropui a tihzia sawiin, an puantah thiamna hmanga eizawnna ngelnghet leh hlawkthlak tak an neih theih nan duhsakna hlanin, harsatna an neih chuan amah chu pan thin tura chahin, a theina apiangah anmahni tanpui turin a inpeih reng tur thu a hrilh hlawm bawk a ni.

Chili Grower Society te hmalakna tlawhin,  BPCL(Bharat Petroleum Corporation Limited) te atangin CSR(Corporate Social Responsibility) a dil mek a.  Chumi hmang chuan kumin hmarcha an thar hma ngeia  Chilli Processing Unit din hman turin hma a lak mek thu a sawi a. Tunkarah chumi chungchangah chuan MoU pawh kan ziak dawn a ni, a ti.

Chili Processing Unit kan din chuan kuthnathawktu tam takin inthawhrim rah sengin, inkhawsak te pawh a nawmphah ngei ka beisei a ni, a ti bawk.

Bawrhsap hian Zyhno khuaa Primary Health Center leh Merry Hechia Special Residential School te pawh a tlawh nghal bawk a ni.

Bawrhsap hi Pu K.Vanlalthiana,PD,DRDA, Pu H.Zonunmawia, EO, Pu James Lalnithanga, BDO Tipa, Pu S.Vabeihasa, DPC SSA, Pu Robertson Khithie, AHEO, MADC, Pu Khichho Chozah, AEO, MADC,  Pi C.Galili, Technical expart DRDA ten an tawiawm a ni.