Vawiin Chawhnu khan Mamit District Swachh Bharat Mission (Gramin) Chairman, District Bawrhsap ni bawk Pi Lalbiaksangi kaihhruaiin DC Conference Hall, Mamit-ah Meeting neih a ni.

Meeting kaihruaitu Pi Lalbiaksangi, District Bawrhsap chuan Mizoram chu ODF state ni turin Sorkar chuan chak takin hma a la mek zel a, Mamit District pawh hi ODF District ni turin theihtawp chhuah zel turin member-te a chah a ni.

Member Secretary, EE , PHED Mamit Division in hmalakna leh Mamit District dinhmun tlangpui tarlangin Open Defacation Free (ODF) ah Mamit siam turin PHED chuan theihtawp an chhuah zel thu a tarlang a, Mamit District chhungah kum 2015-2016 chhunga hnathawh dan leh sum dinhmun thlirletna hun neih a ni.

Mamit District chhungah hian kum 2014-15 ah Individual Household Latrine (IHHL) chhungkaw 79 leh Community Sanitary Complex (CSC) hmun 4 leh, kum 2015-16 ah IHHL chhungkaw 1203 leh CSC ah hmun 2 bakah Solid and Liguid Waste Management (SLWM) pakhat sak tawh niin kum 2016-17 chhungin IHHL chhungkaw 921, CSC khaw 5-ah leh SLWM khaw parukah siam tum a ni. ODF khua ni a inchhal te enfiah turin ODF Village Verification Team Block Level-ah leh District level-ah din nghal niin BDO leh SDO, PHED bakah NGO te block level-a enfiah tura ruat an ni a, District Level Committee ah District Swach Bharat Mission (Gramin) chu ODF Village Verification Team ni tura ruat nghal a ni.

Department hrang hrangte chu ODF District siam tur hian an mahni zawn theuhva hma la tur leh endik hna kalpui kawngah pawh a inthuah a awm lohna tura hmalak ni se tih te meeting-ah hian rel a ni.