Mizoram Ex-Servicemen League chuan vawiin khan Mizo tihmingthatu mi chhuanawm 3 hnenah chawimawina Citation an hlan a. He hun MESL Hqrs Office, Treasury Square-a hmanah hian Parliamentray Secretary Col. (Rtd) ZS Zuala, Civil Aviation Principal Consultant Wg. Cdr. (Rtd) Lalzawma leh Sainik Welfare & Restettlement Director Surg. Lt Cdr (Rtd) Lalnuntluanga ten an hmanpui.
MESL-in vawiina an chawimawite hming leh chanchin tawi :
1. Hav. Laldinpuia, 8th Assam Regiment (42RR) : Ni 22.1.2015 khan Jammu & Kashmir 'Tral Hondura’ hmun helho nen an intawhchilhna hmunah Quick Response Team (QRT) Commander a ni a. Hetah hian an Commanding Officer Col. MN Rai chu vanduaithlak takin helho kutah a thi a. An CO kaphlumtu Abit Hussain leh Siraj te chu Hav. Laldinpuia hian huaisen takin bei zuiin a kaphlum ve ve ta a. January 2015 thla vek khan huaisen lawmman Gallantry Award, GOC Commendation Card 15 pek a ni a, a hnu deuhah ‘Sena Medal’ chu August ni 15, 2015 khan pek a ni leh ta a ni.
2. David Zohmangaiha : Ni 18.5.2013 khan Mt. Everest lawnchhuakin Zofate zingah hmasa ber a nih avangin MESL chuan lawmpuina leh chawimawina Citation an hlan.
3. Sergeant Lalrintluangi : 1st Mizo Bn NCC aiawha High Altitude Areas hmunah te service tawhin ni 21 may 2016 khan Mizo hmeichhiate zingah Mt. Everest lawnchhuak hmasa ber a nih avangin MESL chuan chhuangin chawimawina Citation a hlan.
