Vawiin khan I & PR Auditorium-ah Mizoram Diabetic Society (MDS) Meeting neih a ni a. Chawhma lam session hi Pu T. Saikunga, President, MDS in a kaihruai a. Secretary leh Treasurer ten report pe in Diabetes chungchang Dr. Eric Zomawia, MDS Consultant leh State Nodal Officer, NCD chuan a zirtir a. Member kalte an tha in thusawi leh report te hlawkthlak an ti hle.

Chawhnu lam session ah National Programme for Prevention & Control of Cancer, Diabetes, Cardiovascular Diseases and Stroke NPCDCS bultumin free clinic neih nghal a ni a. MJA General Hqrs. Kaihhruaiin kum 2016 - 2017 thlenga hruaitu tur vawiin hian thlan nghal a niin nihna pawh an invuah nghal a ni.

Mizoram Diabetic Society hi 13.9.2008 khan Aizawl ah zunthlum vei mi 17 kalkhawmten dinin sawrkar ah an in register nghal a. He pawlah hian zunthlum vei bakah helama tuimi leh pawl thil tum tihpuitlin duhtu apiangte pawh tel theih a ni. He pawl a tel tur hian membership fee Rs. 100, ID card man tur Rs. 100, thlalak passport size copy 1 a ngai a. Endowment fund Rs. 100 kum khat zel a tan a ni a. Patron member fee Rs. 1000 a ni bawk.