Mamit Dc Pu Vanlalnghaihsaka chuan Mamit District chhunga airtel 4G hruiphum hna thawk mek tute vawiin khan a pisaah kawmin an hnathawh chin leh thawh dan te a sawipui.
DC chuan Mamit khua-in Mizoram Presbyterian Hmeichhe Khawmpui Lian a thlen dawn thu kawnglaitute hi hrilhin, kawng laih anih avanga mikhual lo thleng tur te tana harsatna awm theite a hrilh hria a. A theih anih chuan an hotute an dinhmun lo hrilh hriaa, khawmpui thlen hmaa kawng laih a vanga motor inpelh thei lohna lai te chu lo hnawh turin a ngen a. Airtel lam aiawh lokal te chuan an theih anga hma an lo lak tur thu DC hi an hrilh a ni.
Tunah hian Lengpui-Mamit inkar kawng airtel 4G hrui phum nan kawng laih mek a ni a, hei hian motor veivak tan harsatna neuh neuh a siam bakah, kawng a zimin a khu hle a, Dampui-Mamit inkar hmun thenkhatah phei chuan motor in sul pel theih lohna thui tak a awm a ni. He kawnglaih hna thawktu te sub-contractor an awm deuh nuaih avangin, vawiina lokal te chu an hotute lo hrilh hre tura ngen an ni.
Vawiin inkawm honaah hian Adl.DC Pi Lalbiaksangi leh DIPRo Pi J.H. Lalparmawii te an tel a ni.
