Nimin khan Pi Lalbiaksangi, Mamit District Bawrhsap chuan Bairabi lei approach road siam dan tur PWD lam hotute nen tlawhin mipui mamawh chakkhai hrang hrang Mamit District chhunga lakluh anih theih nan kawng chhe zuallai siam dan tur a hmunah an enfiah.

DC hova kalte hian  Bairabi lei approach road siamthat dan tur a hmunah ngaihtuah nghalin Ni 21-24 September, 2017 chhungin Motor eng chi mah kaltlangtir lova kawng siam hna beihpuithlak nise tih a ni a. Hemi chhung hian PWD Kawrthah Division te chu Motor lian Buhfai  leh chakkhai phurte an kaltlang ngei theihna turin a tul anga hma la tura tih an ni a. An hnathawhna tura an Lung mamawhte lo ngaihtuahpui turin Jt V/C Mamit President leh Sub-Hqrs YMA President te ruat an ni. Hei bakah hian Bairabi leh Zamuang inkar kawng chhe zuallai hnawh tha turin PWD Kawrthah Division chu mawhphurhna pek an nih bakah Mamit leh Bairabi inkar kawng chhe zuallai hnawh tha turin PWD Mamit Division chu mawhphurhna pek an ni a. An hnathawh dan Progress Report hi nitin DC Office a thehlut thin tura rel a ni bawk. 

Mamit DC hian nimin vek khan FCI Godown Bairabi Food Storage Depot Manager hmu nghalin Buhfai Stock dinhmun a hmunah enin Buhfai Stock an ngah thu leh Buhfai pekchhuahna kawgah harsatna a awm dawn loh thu Manager hian Mamit DC hi a hrilh a ni. Bairabi atanga Mamit District chhunga Supply Centre hrang hranga Buhfai phurh man tur hi DC ruahmanna hnuaiah a tul anga Motor neitute nen siamrem turin Mamit DC chu mawhphurhna pek a ni.

Mamit District Bawrhsap hi Addl.DC Mamit, DCSO Mamit, DCSO Kolasib, DIPRO Mamit, SDO PWD, Kawrthah, SDO PWD, Mamit, President, Jt. V/C Mamit leh President, Sub-Hqrs YMA Mamit te'n an tawiawm a ni.

Attachment

• Loading attachment...