No.1156/2021-2022

Mamit 28th June, 2021 : Vawiin khan DC Conference Hall, Mamit-ah Dr. Lalrozama, IAS, Mamit District Bawrhsap chuan Mamit District chhunga Media (Accredited Journalists)-te Covid-19 darh mek zel venna tura Sawrkar hmalakna tha taka puanzar anih theihna turin inkawmhona a neihpui.

Mamit Bawrhsap chuan Covid Vaccine chu mipuite'n hlauthawng lova la vek turin a ngen a. Mithiam zawkte'n a him ngei a ni tih an finfiah vek tawh anih avangin hlauthawng lova kan Vaccine lak theih hun a lo thlen hunah la vek turin District chhung mipuite a ngen a. Tunhnaiah State danga zin duhte tan an zinna State te'n Sorkar lam hotute hriatpuina lehkha demand thin a awm ni-a hriat anih avangin mi tupawh kan State thenawm Assam leh Tripura-a tul bik thila zin duhte tan DC Office-ah permit a dil theih dawn thu a sawi bawk.

DC chuan Mamit District mipuite chu hri laka kan him zel theih nan hmaituam uar deuh deuh turin a chah a. Eng hun leh hmun pawh nise, a remchan dan anga hmai tuam ngaipawimawh zel turin a chah.

Kan District chhunga Home Isolation ti tura tih chhungkua leh Containment zone-a puan khuate chuan Sorkar thupek tha lehzuala an zawm theih nan VLTF te chu an veng chhung theuh lo vil uluk turin a chah bawk.

Vawiin Press mite kawmna hunah hian SP Mamit pawh telin Mamit District chhunga Security dinhmun tlangpui a tarlang a. Duty point hrang hrangte zan lama tihchak lehzual anih theih nan PHQ lamah duty tur sipai dil belh anih thu leh State dang nena kan inri-na thuam chak lehzual a tum thu a sawi a ni.

Tun dinhmuna Mamit District Covid-19 dinhmun tlangpui chu hetiang hi a ni :-

No. of CCC Identified - 9
No. of 4C - 9
Capacity of CCC - Khum 186
Capacity of CCCC - Khum 120
No. of Govt. Quarantine Facility - 3
Total Case - 289
Death - 2
No. of Patients refer to ZMC - 7
No. of person in Community Quarantine Centre - 69 (tun dinhmuna awm mek zat)
No. of person in Govt. Quarantine Facility - 10 (tun dinhmuna awm mek zat)
No. of person vaccinated - Target Beneficiaries : 60,326 (18+)
(Vaccine la miah lo - 24028)
1st Dose : 32,529
2nd Dose : 3769

Kanhmun Screening Point Report
1. No. of Person Screened - 12834
2. No. of Positive : 60

Vawiin Press mite kawmna hunah hian SP bakah DMS leh SMO te'n DC hi an tawiawm a ni.