Nimin tlai khan Bhupesh Chaudhary, IAS Mamit District Bawrhsap chuan Mamit District Hospital a tlawh a. Dr.PC.Lalliannghaka, District Medical Superintendent chuan lo dawngsawngin Hospital-a thawk Doctor leh Nurse-te nen inkawmhona tha tak an nei.
Mamit District chu Aspirational District a nih avangin Mamit District chhunga mipuite hriselna chu Aspirational District-ah tehfung pawimawh tak a ni a. Chuvangin Mamit District chhunga Hospital lian ber District Hospital tihchangtlun dan ngaihtuah nise tiin a thawktute leh Mamit DC hian an sawi khawm a ni.
Aspirational District hnuaia National Institute for Transforming India (Niti Aayog) chuan Aspirational District bikte tan Doctor mamawh angte DC kaltlangin lak theih a ni dawn tih sawiho a ni a. Hei hian Doctor-a kan indaih lohnaah nasa taka min phuhruk theih beisei a ni.
District Hospital-a thawkte hian an harsatna tawh hrang hrang te District Bawrhsap hnenah lo thlenin chung an harsatnate chu sutkian thuai a nih theih nan tunkar tawp hian DC leh District Hospital-a hotute nen Health Secretary, Govt of Mizoram chu an harsatna tawhte sawipui turin hmuh an tum a ni.

Attachment

  • Loading attachment...