Nimin khan DC Conference Hall, Lunglei ah Dr.Ankita Chakravarty IAS, Deputy Commissioner, Lunglei kaihhruaiin a office chamber-ah Lunglei District Task Force for Immunization meeting neih a ni. 

Dr.Ankita Chakravarty chuan Chief Medical Officer, District Immunization Officer, Sub Division Hospital, PHC,BSF, Education leh Social Welfare department te hmalakna in Measles Rubella vaccination Lunglei District chhunga 100% an tuam theih avangin an chungah lawmthu a sawi a. Tlabung leh Bunghmun huam chhunga BSF ten motor leh speed Boat leh staff te hmanga Medical Department te an puih avang leh an inpekna avangin lawmthu a sawi bawk. 

Dr.Lalrinthangi, District Immunization Officer in report pe in naupang thla 9 chunglam leh kum 15 hnuai lam inkar Lunglei District chhunga Sub-Division Hospital, community Health Centre, Medical Centre leh Public Health Centre ah te Measles Rubella vaccination 100% tuam a ni a, Ni 18-4-2018 atanga Ni 14-5-2018 hun chhungin Measles Rubella vaccination target 42,328 niin, target aia tam 42,443 hnenah vaccination pek an ni. 

He meeting ah hian PHC,CHC,SDH ten harsatna an tawh te leh mamawh an neih te an sawi bawk. He meeting ah hian PHC, CHC, SDH, BSF atang ten Doctor thahnemtak bakah Dr. Sahu, WHO leh Dr. Bhafna, UNICEF te an tel a ni.