3576/2022-2023
Mamit 14th February, 2023 : Vawiin khan DC Conference Hall, Mamit-ah CSR hnuaia Every Infant Matters, New Delhi atanga dawn, zirna atana hmanraw tangkai hrang hrangte Pu Lalnunhlua, Mamit District Bawrhsap-in Mamit District chhunga School leh Anganwadi thlanchhuah bikte hnenah a hlan.

Pu Lalnunhlua, Mamit District Bawrhsap chuan Every Infant Matters te chungah lawmthu sawiin zirna kawngah Mamit District-in nasa taka hma a sawnpui a beisei thu a sawi.

Pu Lalfakzuala, Addl. DC chuan Every Infant Matters hnuaia kan thilpek dawn dan hrang hrangte chipchiar takin report a pe bawk.

He hunah hian Mamit District chhunga zirna In thlanchhuah 5, Govt. P/S- I Mamit, Govt. Dapchhuah P/S, Govt. Luimawi P/S, Govt. Khawhnai P/S leh Govt. Chungtlang P/S te hnenah Educational Material leh Kids Toy & Tools te hi hlan niin Reiek ICDS hnuaia Anganwadi Centre thenkhatte'n an la dawng dawn bawk a ni.