Vawiin khan DC Office Chamber-ah Dr. Lalrozama, IAS, Mamit District Bawrhsap leh Tata Trusts NEIDA Mizoram hotute chuan Mamit District chawikan a nih theih nan hmalak dan tur sawihoin inkawmkhawmna an nei.

Mamit Bawrhsap chuan Mamit District chu Aspirational District a nih avangin hmasawnna tur kawng dap mek zel a nih thu a sawi a. Tata Trusts NEIDA Mizoram-te nena inkawmhona tha tak an nei thei chu lawmawm a tih thu a sawi.

Mamit District tihhmasawnna tura thawhho dan tur kawng vawiin inkawmkhawmnaah hian ngaihtuahho niin NEIDA-in Mamit District chawikan a nih theih nana chhungkaw 500-te eizawnna ngialnghet neihtir tura an hmalak tum dan Project Rs 7.35 Crores senna tur chu Mamit Bawrhsap hi an sawipui a. Mamit Bawrhsap chuan an Project siam chu tha a tih thu sawiin a tul zualte siam danglam hret anih hnuah a pawmpui tur thu a sawi.

NEIDA tarlan danin he Project Cost 78% hi Rural Electrification Corporation Limited (REC) tum tura beisei niin 15% hi Tata Trusts tum tura beisei a ni a. A bak 7% chu Beneficiary-te tha hmanga do let tura ruahman a ni.

Vawiin inkawmkhawmnaah hian Pu Lalrinkima, NEIDA Regional Manager leh a hote an tel a ni.