2836/2025-2026

Dated: Mamit the 8th of January, 2026: Vawiin khan DC Conference Hall,Mamit-ah District Disaster Management Authority(DDMA) chu Pu K Laltlawmlova, Chairman DDMA leh District Bawrhsap ni bawk kaihhruainain 15th January,2026 a Mamit District a State Level Mock Exercise on Earthquake in Mizoram neih dan tur ruahhmanin an thukhawm. Mock exercise hi chhun lêh zana neih tur a ni ang.

District Bawrhsap chuan Mizoram chu lirghing thlena zone V a awm kan nih angin in buatsaihna neih that a pawimawh a ti a, lirghing in a ke tel chhiatna hrang hrang lakah lo in hmakhua thiam zirna a nih angin stakeholders ten mock exercise chu ngai pawimawha in puahchah tha turin a chah a ni.

Hmun thumah mock exercise hi neih tura ruahman niin chhun lamah Circuit House leh DC junction-ah neih a ni ang a, zanah College hostel a neih tur a ni ang. Hemi niah hian Observer atan SP Mamit leh Commandent, 4th IR ruat an ni a, Site Incident Commander-ah SDO(Sadar) ruat a ni.

Vawiin thutkhawmah hian DDMA member te mawhphurna pek an ni, member bakah special invitees te an tel a ni.