2837/2025-2026

Lawngtlai, 8th January 2026: Vawiin khan Lawngtlai Superintendent of Police Pu PC Lalchunglura kaihruaiin a Office Chamber-ah ' Crime Review Meeting cum General Meeting for the Month of January 2026' neih a ni.

Pu PC Lalchunglura chuan kalkhawmte hnena lawmthu sawina a nei hmasa a. Case pending chungchang, Case Investigation leh Law and Order - a chakzawka hmalak a nih tur thu sawiin, SP chuan infuihtharna thutawi a sawi a. Kum 2025 Krismas leh Kumthar 2026 lawmna boruakah Police-ten duty tha tak leh hlawhtling taka an ti thei chu staff-te inpekna leh hmalakna anih thu a tarlang a. Law & Order- ah harsatna awm lovin ralmuang leh thlamuang taka hunpui hman zawh a ni thei chu Police-te, District Administration-te,NGO's, MJA leh Kohhrante inkarah thawhhona tha tak a awm vang a ni, a ti. SP chuan Ruihhlo do beihpui thlaka "Operation Jericho" an kalpui mek avangin District chhungah Ruihhlo a tlem thu tarlangin, ralmuang taka mipui nunauten hunpui an hmang thei chu lawmawm a tih thu a sawi bawk. Pu PC Lalchunglura chuan kum thar 2026- ah staff zawng zawngte an mawhphurna tha taka hlen vek turin duhsakna a hlan bawk a ni.

Report atanga a lan danin, kum 2024(January to December) chhung khan case registered -87 a awm a, Case tam ber hi rukruk case a ni. Heng case te hi - 76 Chargesheet a ni a, case -11 ah Final Report Submit niin, Pending Investigation a awm lo a ni. Case -42 ah Accused Convict an ni a, Court pending trial - 30 ala awm a ni. Kumin 2025 (January- December) thleng a Case registered awm zat chu -69 a ni a, Kum 2024 ah -87 registered niin, Case tlakhniamna chu 20.68% a ni. Case neih zingah Theft (15 Cases) 21.73%, Burglary (12 Cases) 17.40%, Motor Accident Fatal (4 Cases) 5.80%, POCSO (6 Cases) 8.70%, ND&PS (4 Cases) 5.80%, Arms Act (5 Cases) 7.256% te an ni a. Case - 69 zingah Chargesheet -47 submit a ni a, case - 13 ah FR (Final Report) submit niin, Pending Investigation -9 neih ala ni a. Case -24 ah Convict awm tawhin, Court Pending Trial -17 a la awm bawk.

Vawiin District Crime Review Meeting - ah hian SP, SDPO's, OC's leh Case Investigating Officer's  mi - 12 telin, uluk leh chipchiar takin case- awmte sawiho a ni.