2838/2025-2026

Dated Aizawl, the 8th January, 2026 : Vawiin khan Labour, Employment, Skill Development and Entrepreneurship (LESDE) Department Director Pu John Tanpuia chuan Japan rama caregiver hna thawk tur mi 3 leh hotel management-a thawk tur mi 1 te thlahna hun tawi leh thingpui inhona hun a hmanpui a. He hunah hian Joint Director, Deputy Director led NSDC State Coordinator te an tel a ni.

Japan-a kal turte hi NSDCI Training Centre, Greater Noida atanga Japanese tawng zir chhuak an ni a. Tun dinhmunah Japan kal tur mi 9 an awm a, COE leh Visa nghak mek mi 57 vel an awm bawk a. Heng te hi January - March inkara Japan kal tura beisei an ni.