Vawiin chhun dar 11:30 am khan Mamit District Information and Public Relations Officer thar Pu Paul Rokima, MIS chuan Mamit MJA member te chu a office Chamber-ah lenga sawmin inkawm hona an nei.

Thu sawiin Pu Paul Rokima chuan, Mamit District a chanchinbumite chu inpawh tlang taka hna thawhho puiah a sawm a, mipuiten an hriat tur thil tangkai hrilh hre theitu an nih thin avangin ram tan an pawimawh zia hre thar fo turin a chah a. Sorkar Schemes, Programmes leh Policy puangzar tur an nih angin sorkar thiltih sual chang ran ringawt lova humsual an dai loh nan a theih ang anga venpui zawk tur leh mipui tan a Policy an duan chu tangkai thei ang ber a hman a nih theih nan hmalak pui thin turin a sawm nghal bawk a ni.

Mamit MJA te hi an Vice President Pu PC Lalthanzuala hovin Member an kim tha hle a, an President Pu Lalhlupuia erawh damlohna avanga a rawn tel thei lo chu pawi an tih thu an tarlang bawk a ni. Vice President MJA Mamit District chuan thu sawiin MJA te hi DIPRO Office nena inthlunzawm tlat an nih avangin DIPRO Office pawh an ta neih hle a ni a ti a. District tana thahnemngai taka thawk ho zel turin DIPRO leh a staff-te a sawm a, fuih an ngaihnaah fuih a, puih an tulnaah pawh in pui tlang zel turin a sawm a ni. He hunah hian MJA member dangte pawhin thusawina hun an hmang bawk.