Vawiin khan Mamit GSA Playground, Mamit-ah District 11th Secondary School Games chu tan a ni. Pu Rodney L. Ralte IAS District Bawrhsap in he School Games hi a hawng a ni.
Hawnna inkhawm hi Pu Micky R. Lalenkawla, ADEO kaihruaiah thusawiin District Bawrhsap chuan zirlai te chu ruihtheih thila fihlim tura chahin hetiang ruihlo ti chingte chuan an zirlai pawh tha takin an chhunzawm thei lo a, a pawi em em a ni a ti. Insawizawi pawimawh zia sawiin hei hian rilru leh taksa-ah hriselna a thlen thin thu sawiin zirlai te tan hei hi a pawimawh a ni a ti, ruihtheih thila kan fihlim loh chuan zirna sang zawk kan thleng thei dawn lo a ni a ti bawk. Khuallian chuan he Sport hi inhuatna thinlung siamtu ni lo va inlungrualna leh inthian thatna thlen tu atana hmang theuh turin infiammi zirlai lo kal te chu a sawm nghal a ni.
He Games neih chhung hian Displine hrang hrang Athletics, Football, Volleyball,Table Tennis, Badminton leh Archery ah te inelna buatsaih a ni dawn a ni.
He ta ti tha te hian ni 27-30 March, 2012 a High School Sport Aizawl a awm tur ah Mamit District ai an awh dawn ani.
Mamit District ah hian High School 41 awmin he School 20 atangin zirlai 800 vel leh zirtirtu engemawzat an tel a ni. He Games hian ni 16 March, 2012 thleng a awh dawn a ni.
