Home Secretary hova Project Coordination & Monitoring Committee vawiina thukhawm chuan Chhingchhip rama Sainik School hmun tur pek chungchangah a hnuai ami ang hian thuchhuah siamin lawmthu an sawi :

‘’Mizoram-in Sainik School kan neih ngai loh kan neih theihna tura hmunram engmah beisei let nei lova Chhingchhip khaw mipuiten an ram an pe hi Project Coordination & Monitoring Committee ni 13.03.2012 a nei chuan ropui a ti a. Mizo sipai officer te kan lo neih tam zawk theih nana hetianga tlawmngaia Chhingchhip mipuiten Mizo nunze mawi lantira an ram an pe hi entawn tlak a ti tak meuh a. Hun lo kal zel turah pawh he Sainik School din kawngah a neitu rilru pu a, a tul anga hmalakpui thin turin Committee chuan a sawm nghal a ni. Sainik School sakna tur hian Ministry of DoNER-in thuphunga pawm tawh cheng nuai 5064.23 atangin cheng nuai 1787.38 chu 1st installment atan a rawn pe chhuak tawh a ni.’’