Kolasib Venglai- ah vawiin chhun Dar 12 vel khan Assam Type In pakhat chu bungraw engmah chuh hman lohvin a kangral. He In hi Upa VL. Rawna In niin PC Lalchhuanmawia te chhungkua ,member 7 in an luahlai a ni. Kangmei hi Fire Department chuan theihtawpin thelh mahse Gas Cylinder alo puah bawk avangin bungrua engmah chuh hman a nita lo a ni.

DC Pi Niharika Rai chuan kangmei chhuak tih a hriat veleh Addl. DC Pu Zairemmawia a hmunah a tir nghal a. A tul anga hman turin Silpauline 2 chhiat tawkte hi a hlan a ni. DC chuan chhiat tawhnain a barakhaihzia leh chhiat tawk chhungte a tawrhpui zia Kolasib IPRO a hrilh a. Anmahni pui turin a tul ang apiang a theih chinah tih a ni ang tih sawiin nunna chan an awmloh avanga a lawmthu pawh a sawi a ni. Hetih lai hian Pi Rai chuan mitin te mahni in leh lo kangmei laka venghim turin a thara tan la turin a chah a ni.