No.2469/2021-2022
Aizawl the 4th October, 2021 : Tukin zing khan NABARD bul tumin Capacity building for Adoption of Technology (CAT) programme hnuaiah Mamit Aspirational District huam chhunga khaw hrang hrangte kuthnathawktu thlanchhuahte exposure visit cum training neih a ni.

Mizorama Agriculture hmun pawimawh hrang hrang Thenzawl Horticulture College, State Veterinary Farm, Selesih-a Central Agriculture University, Aizawl huam chhunga Mizoram University, Tanhril Poultry Farm, Mualpui ran talhna leh Aizawl chhunga restaurant hrang hrang food chain chungchangah zir chianna an nei nghal dawn a. He programme hi Dr. Vanlalhruaia Hnamte, Senior Scientist and Head, KVK Mamit District, Lengpui leh Pu JD Taite, District Development Manager, NABARD Kolasib leh Mamit bialtu ten kuthnathawktute fuihna thu an sawi a. Hemi zawh hian KVK Complex, Lengpui atangin an vailiam a ni.

Heng kuthnathawktute hi Dr C.Rinawma, Subject Matter Specialist (Animal Science) KVK Lengpuiin a hruai dawn a ni.