No.2468/2021-2022

Aizawl, the 4th October, 2021: Vawiin khan Serchhip DC Conference Hall ah District chhunga VC aiawh mi pahnih zel kal khawmte tana buatsaih “Training of Village Council on Formation of Village Disaster Management Committee” leh “Sensitization Programme on Preparation of Village Disaster Management Plan” October ni 4 atanga ni 6 thleng awh tur chu Pu Kumar Abhishek, IAS, DC in a hawng.

Bawrhsap Pu Kumar Abhishek, IAS chuan, Village Disaster Management Plan siam pawimawh ziate, chhiatna lo thleng palh theih hmachhawn tura a theih ang anga inbuatsaih lawk a that ziate a sawi a. Chhiatna a lo thlenin Village Council tin te’n mahni bialtu Zonal Officer theuhte hrilh hriat nghal vat thin tur a nih thute sawiin training tura kalkhawmte chungah lawmthu a sawi a. Mithiamten zirtirna chi hrang hrang an pekte chu uluk tak leh hriat chian ngei tuma ngaithla turin a ngen a ni.

A hawnna programme hi Pi C Laltleipuii, MCS, SDO(Sadaar) in kaihruaiin, Village Council hrang hrang aiawha training leh sensitization programme-a tel tura lo kalte hnenah lawmthu a sawi a, training leh sensitization programme hi Covid-19 hri vanga hun engemawchen ngaihchan a nih thu sawiin, vawiinah SOP tha taka zawm chungin Serchhip District chhunga Village Council 54-a member pahnih theuhte chu nitin mi 36 zela ni thum chhung training pui turin ruahmanna an siam tih a tarlang bawk a ni.

Training ah hian Role of Village Councils/ Village Disaster Management Committee in Disaster Management tih leh Village Disaster Management Plan tihte chu Pi Vanlalduhi Ralte, District Organizer in a zirtir a, Basic Search & Rescue techniques chungchang Pu Lalthakima, Leader, Quick Response Team chuan zirtirin, Basic First Aid chungchang District Hospitala thawkten zirtirna an pe a, sawihona leh zawhna hunte neih zui zel a ni.