No.2114/2020-2020

Mamit 17th June, 2020 : Vawiin khan DC Conference Hall, Mamit-ah District Water & Sanitation Mission (DWSM) chu an Chairman Dr. Lalrozama, IAS, Mamit District Bawrhsap hovin thutkhawm a ni.

Meeting-ah hian Er. V. Laldanmawia, Sub- Divisional Officer, PHED, Mamit chuan Jal Jeevan Mission (JJM) thil tum leh a nihphung tlangpui Power point presentation hmangin a tarlang a. JJM thil tum ber chu Kum 2024 ral hma-a in tinin Functional House Tap Connection (FHTC) hmanga 55 Lpcd (Litre per capita per day) kan neih theihna tura hmalak a nih thu a sawi a. Er. Lalzawmliana, EE, PHED Mamit, Member Secretary, DWSM ni bawk chuan an hmalakna kal mek leh an hmalak tawhna-te Powerpoint hmanga thlirletna neihpuiin Mamit District-ah pawh nikum atang khan hna thawh tan tawh niin heng khaw pali Dilzawl, Suarhliap, Khantlang leh Ailawng khua-a In 438-ah FHTC hi pek tawh anih thu Meeting-ah hian tarlan a ni. Heng khaw pali-a School, Anganwadi, Health Center leh Community Hall-ah te pawh hian FHTC hi pek vek an nih tawh thu tarlan a ni bawk.

Vawiin thutkhawmah hian Kum 2020 - 2021 chhunga Annual Action Plan thlirho niin Mamit District chhunga khaw 18-a In 2999 te FHTC pek tura ruahmanna siam chu pawm niin heng khaw 18 zinga khaw 8, Pukzing Vengthar, Zopui, Khanthuam, Chuhvel, Nalzawl, N. Tlangkhang, Chilui leh Damdiai, tun dinhmuna tui hnianghnar la nei lo leh kan Aspirational District Ranking-a min hnukhniamtute chu ngaihpawimawh hmasak nise tih a ni.

Kum 2021 - 2024 chhunga Action Plan thlir bawk niin Khaw 48 chhunga In tinah a tahtawla FHTC a thlen theih nana ruahmanna chu pawm a ni bawk.

Meeting-ah hian PHE Mamit Division hnuaia Sub- Divisional Officer pali-te chu anmahni bial chhung theuhah JJM tha taka kalpui anih theih nan Work Manager-a ruat an ni a. Village Level WATSAN Committee Planning siam anih hunah pawh a tul anga ruahmanna siampui thin tura beisei an ni bawk.

Meeting-ah hian tuihna humhalh (Water Source Sustainability Measures) kalpui dan tur tlangpui thlirho niin tuihna humhalh anih theih nan tuikhur hnar leh tuihna awmna-ah te thingtiak 9500 phun tura ruahman a ni a, heng bakah hian Gabion Check Dam leh Staggered Contour Trench, Awareness Campaign buatsaih a, Leaflet leh lehkhabu hmanga mipuite zirtirna thehdarh ni bawk se tih a ni bawk.

Vawiin thutkhawmah hian DWSM Members-te bakah SDO, PHED-te an tel a ni.