No.420/2021-2022

Mamit 6th May, 2021: Tunhnaiah Nghalchawm khuaah COVID-19 hri kai thar mi engemawzat hmuhchhuah an ni a, hemi chungchangah hian Chief Medical Officer, Aizawl West hnen atanga report leh rawtna dawn angin Contact Tracing mumal zawka tih anih theih nan leh helai chhehvela natna hrik hi a darh lohna tura hmalak a tul avangin, Dr Lalrozama, IAS, Deputy Commissioner, Mamit chuan The Mizoram Epidemic Diseases (Covid-19) Regulations, 2020- Sub- section 1 of Section 11 leh Mizoram Sawrkar Order No. B.13021/101/2020-DMR / Vol-IV dated 03.05.2021 -in thuneihna a pek angin Nghalchawm khua chu Containment Zone -ah a puang a. He Containment Zone-ah hian a hnuaia tarlan ang hian khuahkhirhna kalpui tur a ni ang.

1. Containment Zone chhunga cheng zawng zawngte hian Medical Team-in contact tracing an neihna kawnga inkaihhruaina leh tihtur an sawite tha takin an zawm tur a ni.

2. Containment Zone chhunga cheng zawng zawngte chuan mahni in leh Compound an chhuahsan tur a ni lo.

3. Containment Zone chhungah hian Medical leh Security Duty te leh Deputy Commissioner leh bialtu Executive Magistrate (BDO Reiek) -in phalna a pekte chauh lo chu luh chhuah khap tlat a ni. Kawngpuiah ding muang lo a lirthei tlan tlang chu phal a ni.

4. Rikrum leh hmanhmawhthlak thila chhuah ngaite chuan VLTF remtihna la hmasain leh Sorkar dan siamsa zawmin chhuah phal a ni ang.

He thupek hi thu leh awm hma atan hman tur a ni ang.