Pu V. Lalremthanga MCS, District Bawrhsap Mamit chuan vawiin ni 17th July 2012 hian DC’s Conference Hall, Mamit-ah Mamit khawpui chhunga tlawmngai Pawl hrang hrang YMA, MHIP, MUP, MZP leh khawtlang hruaitu V/C te kawmin thingpui a in pui.
He inkawm hona-ah hian District Bawrhsap chuan tlawmngai pawl hrang hrangte leh khawtlang hruaitute chu khawtlang hmasawnna a tan hna kan thawhna kawngah inlungrualna, thawhhona tha a pawimawh a ni a ti a, hemi kawngah hian theihtawp chhuah a khawtlang leh ram tana kan thawhna-ah inthlahrung lova amah dawr thin tur leh thurawn pe thin turin a ngen nghal bawk.
He inkawmhona hunah hian DC office-a officers te pawh District-a office pawimawh bera hnathawktute kan nih angin a theih ang anga min dawr thintute ngaihsaka tanpui an ngaihna-ah lo ngaihsak thin turin District Bawrhsap chuan a ngen nghal bawk a ni.
He inkawmhona-ah hian Tlawmngai Pawl hrang hrang hruaitute leh khawtlang hruaitute an tel tha hle a ni.
