Pu Rodney L. Ralte, IAS District Bawrhsap, Mamit chu nihnih chhung thangin ni 17.8.2011 atang khan District chhung khawthlang lama khaw hrang hrang,  Darlak, Tuidam, Kawrthah, Rengdil, Zamuang, Zawlnuam, Borai, Bungthuam, Luimawi leh Kanhmun khua te  tlawhin ,  Department hrang hrangte hmalakna  a hmun ah a enkual a ni.

District Bawrhsap chuan khawtinah khawtlang hruaitute kawmin Ni 100 inhlawhna(MGNREGS) hi langtlang tak leh dik taka thawh a tulzia mipuite hrilhin Guideline-in a phut ang taka kalpui tur a nih thu a sawi a, Dik taka kan thawh hian eirukna lakah kan fihlim dawn a ni tiin ni 10 inhlawhna a nih chuan ni 10 thawh mai tur a ni a ti bawk. Bawrhsap chuan Rinawmna tak a kan thawh chuan Central Sawrkar atangin pawisa pawh kan hmuhbelh thin thu a sawi rualin helama mawhphurtu officials te pawh a hun taka report thehlut thin turin a chah bawk a ni.

Bawrhsap chuan Zawlnuam RD Block huam chhunga Department hrang hrang hmalakna, RGGVY hnuaia hmalakna te, SSA hnuaia BRC te, Damdawiin te leh Kawrthaha Damdawi in sak thar te, tlawhin an hmalakna leh harsatna an tawhte a hmunah hian a enpui bawk a. NLUP hnuaia Rubber chin thlangtute a hmunah enfiahpuiin Rubber Stamp an dawnte a tha lo hlawm hle ni a hria-in Rubber beneficiaries te a hmunah kala enpuiin an Rubber Stamp dawn zinga tha lo te dah hranga, a tha a thleng leh turin supplier te a hrilh bawk a ni.

District Bawrhsap hi Pu C. Lalpeksanga Projecj Director, DRDA, Mamit leh District chhunga Heads of offices thahnem takin an tawiawm a ni