Vawiin khan D.C Conference Hall, Mamit-ah Pi Lalbiaksangi, District Bawrhsap hovin Mamit District hnufualna chawikanna tur chungchang sawiho a ni.

Meeting kaihruaitu Pi Lalbiaksangi chuan Mamit District chu India ram District chawikan ngai Backward Districts thlanchhuah 115 zingah telh a nih thu a sawi a, hemi chungchangah hian heng Districts 115 theuha D.C te hi kumin January ni 4 khan Delhi ah meeting neih a nih thu tarlangin Mamit District chuan Hriselna, Zirna, Tuithianghlim, naupang kumtling lo enkawl, kawlphetha leh inkalpawhna kawng bakah kawng dang dangah te hma kan sawn theihna tura a kaihnawih department hrang hrangte thawhhona a pawimawh dawn thu a sawi a ni.

Meeting-ah hian Department hrang hrang thlanchhuahte hi an hmalakna tur 5 Years Plan lo siam tura tih an ni a, heng Department hrang hrangte hian an hmachhawp leh chawikan an ngaihna tur point hrang hrangte meeting-ah hian chhawpchhuaha thlirho zui nghal a ni.

Mamit District hi India ram Districts 115 Backward Districts thlanchhuah zinga telh a nih anga viltu tura ruat Shri Dharam Pal, IAS Addl Secretary, Govt Of India, Chemicals & Fertilizers chuan Mamit District dinhmun hi a hmunah a rawn tlawh tawh a ni. Pu Vanlalramsanga, Secretary, Planning UD&PA chu State Nodal Officer a tana ruat a ni bawk.

Meeting-ah hian E.E PHE, E.E P&E, CMO, DEO, DPC, SSA, DPO, SWD, DRDA leh PWD atang te'n an tel a ni.