Vawiin khan District A.H & Vety Office, Mamit-ah Mamit Centre chhunga NLUP 3rd & 4th Phase hnuaia Vawk vulh thlangtu Beneficiaries 95 hnenah tanpuina an dawn hmabak semchhuah a ni.
Dr. Lalmakzuala, District A.H & Vety Officer, Mamit chuan NLUP Vawkte an dawnte chu hralh ral mai mai lova, anmahni ngeiin vulh tur leh NLUP hmalakna tawiawmtu ni zel turin beneficiaries kalkhawmte a chah.
Dr.Lalrokima, Chief Vety Officer pawhin Vawk enkawl dan chungchang zirtirna a pe bawk.
Vawiina NLUP Vawknote sem chhuah zat hi 298 niin Beneficiaries-te hnenah hian bungrua leh damdawi leina tur Rs 3378/- (Sangthum zathum sawmsarih pariat) sem a ni bawk.
Vawiina tanpuina dawngtute hi Mamit Centre huam chhung atangin Mamit, N.Sabual leh Phaizau khuate an ni.
