4893/2024-2025

Dated: Mamit the 29th of March, 2025 : Nimin khan DC Conference Hall, Mamit-ah New CSR Project under Vidyanjali 2.0 hnuaia Bridge & Roof Co (I) Kolkata W. Bengal te'n an chhan angin Mamit District chhunga Zirna In hrang hrang 53 te tan an mamawh hrang hrang semchhuah a ni a, Pi Carolyn LB Khiangte, Addl Deputy Commissioner chu Khual lian niin hun a hmanpui a,bungraw semchhuah tur a vailiam.

Pi Carolyn LB Khiangte chuan Mamit District chhunga school thlanbikah te Bridge & Roof Co (I) Kolkata hnen atanga thilpek an dawng chu lawmawm a tih thu a sawi a, zirna in te'n hmasawnna tha zawk an neih theih ngei a beisei thu sawiin, hmasawnna tehna atana pawimawh ber chu zirna tha a nih angin thawktute pawh theihtawpchhuah turin a fuih.

Pu H.Lalrosanga, Dy DPC Samagra Shiksha, Mamit District and District Nodal Officer, Vidyanjali2.0 chuan Vidyanjali hnuaia Bridge & Roof Co. (I) Ltd. Kolkata, W Bengal te'n Mamit District chhunga School thlan bik 53 te tana school mamawh chi hrang hrang an pek chhuah tur  te power point presentation hmangin technical report a pe a, bungraw sem chhuah te hi Bench & Desk, Greenboard, Whiteboard, Cupboard, Laptop, Interactive Smart Panel, Printer leh Internet Connectivity, a vai a Rs.20.5 lakhs man hu pek chhuah an nih chungchang a tarlang. Tin Mizoram ah Mamit District hi Vidyanjali 2.0 hnuaia CSR fund dawng awmchhun leh a hmasa ber an nih thu a tarlang bawk.

He hun hi Pu K Lalnunfela, District Education Officer and DPC Samagra Shiksha, Mamit District chuan kaihruaiin,khual lian bak ah,  Pu Zionparlawma, Dy. State Project Director, Samagra Shiksha, Mizoram and State Nodal Officer, Vidyanjali, leh Shri Rohan Khara, Senior Manager ( Corparate Planning) Bridge & Roof Co. India Limited, Kolkatta te'n thusawina hun an nei bawk a ni.