Election Commission Of India duanlawk anga Ni 2th- 9th Nov, 2018 chhunga MLA General Election-a chuh tuma hming pek luhte endikna (Scrutiny) chu vawiin khan Mamit District chhunga Constituency pathuma Returning Officer pathum Pu Jacob Lalawmpuia, 1-Hachhek,  Pu Lalnunhlua, 2-Dampa leh Pu Vanlalngaihsaka  3-Mamit-te chuan anmahni bial theuha hming pekluh endikna an nei a  ni.

1-Hachhek Assembly Constituency (ST) huam chhunga  Candidate chuh tumte zingah hian Pu J. Lalsailova, Common Candidate tih loh chu an inlan vek a, Candidate zawng zawngte hi MLA chuh tura pawm vek an ni.

2-Dampa Assembly Constituency (ST) huam chhunga Candidate pariat te pawh inlan kimin an vai hian pawm vek an ni bawk. 3-Mamit Assembly Constituency(ST) huam chhunga candidate tura hming pe lutte pawh Scrutiny-ah hian an inlan vek a, an vai hian General Election a candidate turin pawm vek an ni bawk a ni.