1569/2026-2027

Dated : Mamit the 29th of July, 2026 : Vawiin khawvel puma Sakei-te ni Global Tiger Day pualin Mamit District chhung Dampa Tiger Reserve Teirei Interpretation Hall-ah hun hman a ni.

He hunah hian Pu PC Lalchhandama, Dampa Tiger Reserve Field Director chuan ramngaw leh nungchate humhalhna rilru kan put tak tak theihloh chhan chu an tam emaw kan tih tlat vang leh tangkaina neilo tam tak an awm nia kan hriat vang a nih thu a sawi a. Ramngaw leh nungchate hi dinhmun hima awm tur chuan an tam a ngai a, an tlem chuan an dinhmun a derthawng dawn a, ramsa te hi mihringte tan tangkaina tam tak nei an ni tih hi kan hriat reng a tul a, a tangkaina kan hriat lohte pawh hi Pathianin duhtaka a siam an ni tih  pawm a, kan dim dawih an ngaih thu a sawi.

Field Director hian Dampa Documentary film bakah W. Phaileng Branch YMA zaipawl te'n Dampa hla music video an siam leh Dampa chanchin tlangpui ziahna pamphlet-te a tlangzarh nghal a ni.

He hunah hian  Forest Department-a thawkte, W. Phaileng Govt H/S, Senior Secondary School zirlai leh zirtirtute bakah sawm bikte leh Teirei khawtlang hruaitute an tel a, W. Phaileng Branch YMA zaipawl, Chhawrpial Musical Club leh Sikul naupang atangin zai ngaihthlak niin sawmbikte atangin thusawi ngaihthlak a ni bawk.

Global Tiger Day pual hian Volley ball tournament siam a ni a, mipa match-ah  Phuldungsei Vengthar GSA Team 'A' champion in W Phaileng Volley Ball Club in pahnihna an hauh thung a ni.