No.6951/2020-2021

Vawiin khan DC Conference Hall, Mamit-ah Dr. Lalrozama, IAS District Bawrhsap hovin Mamit District chhunga Krismas, 2020 leh Kumthar 2021 boruak muanawm tak hnuaia hman dan tur relin thutkhawm a ni.

Meeting hian Krismas leh kumthar chhung hian Mamit khawpui chhungah duty main post 7 bakah a tul dan angin thuneitute hriatpuina-in siam nise tih a ni, Duty Post-ah hian Police, Excise leh NGO- te duty thin nise tih a ni. Covid - 19 No Tolerance Executive Duty kal lai mek chu a hrana duty post siam lovin Krismas leh Kumthar Law & Order kengkawh tura duty post siamah hian kalkawp mai se tih a ni bawk.

Vawiin meeting hian kumin Krismas leh Kumthar chu Sawrkar thuchhuak angin kumdang angin hun a hman theih dawn lo a. Krismas urlawk zan leh Kumhlui thlah zanah te vengtin YMA Information mic atangin Sawrkar-in Covid inkaihruaina dan a siam, zan curfew leh Covid - 19 hri lakah fimkhur tura inzirtirna tlangau nise tih a ni bawk.

Krismas leh kumthar vuakvetah hian motor chetsualna veng tur leh rui chunga lirtheih khalh an awm lohna turin Covid-19 hrileng laka fimkhur tak chung siin a tul dan a zirin lirthei khalhtute tan Breathe Analyser Excise Department leh Medical tawngkawpin ham tir nise tih a ni a. Hunpui vuakvetah hian District thuneitute atanga khapna thupek chhuah tawh angin Halpuah leh a kaihhnawih dangte hmanglo turin Committee hian District mipuite a ngen nawn leh a ni. 

Krismas leh Kumthar thilpek atan hian CM Discretion Fund atangin Mamit District Hospital bakah Mamit khawpui chhunga Home hrang hrang Buannel, Joshua, Bethany leh Observation Home te tan a belhkhawmin Rs 9,000/- (sangkua) hlan an ni tawh a ni.

Meeting-ah hian Addl. SP, Mamit, CMO, Asst. Commissioner. Excise & Narcotics Department, DIPRO, Sub. Hqrs YMA, Jt VC leh thutharthehdarhtute an tel a ni.