2479/2023-2024
Pu VL. Remliana, Deputy Commissioner & Chairman, District Disaster Management Authority Mamit District in mipuite hriattirna a chhuah angin, Indian Metrological Department, Ministry of Earth Sciences, Government of India in a hrilhlawk angin Central Bay of Bengal tuipuiah Cyclone "Tej" a in mung mek a, ni 23-26.10.2023 inkar hian Mizoram pawn tuar ve thei kan ni a, Mamit District hi Mizoram khawthlanga awm anih avang leh ruah nasa tak a sur thei tura ngaih anih avangin mipuite fimkhur leh chi-ai lo turin kan inhriattir a. Chhiatna thleng thei hrang hrang laka kan him nan heng a hnuaia inkaihhruaina te hi zawm turin kan inngen a ni.
1. Mahni In leh lote thli leh ruah dawl thei tura a tul anga thawmtha tur leh rangva leh thildang thlawkthei awmte hmun him lama senghawi tur a ni a. Tuichhe paihna leh tuihawk luankawrte mumal taka siam bawk tur a ni.
2. Mahni In leh a velah leimin mai thei a awm anih chuan Silpaulin Tarpaulin-a khuh that tur a ni a. Tin, thlipui laka In him tawk lo a chengte hmun him lama insawnchhuak rih tur a hriattir a ni.
3. Thing leh mau thliin a len thluk mai theihte, electric hrui delh mai thei te chu electric Department a thawktute nen inrawnkhawmin kih emaw a zarthlak mai tur a ni.
4. Thlipui leh ruah vang hian power supply a awm loh theih avangin electric hmang thilte charge lawk tur leh eng awm loh palh a chhit tur lo inruahman lawk tur a ni.
5. Cyclone thawh hun tura hrilhlawk hun chhung hian thingtlu leh thingzar tliak lakah chetsual theih anih avangin mipuite ramkal loh tur a ni a, tin lui leh tui tamna hmunah te kal loh bawk tur a ni.
6. Office leh zirna In hrang hranga thawkte'n office leh zirna In building leh a chhehvel uluk taka en thlithlai a, cyclone laka an him theih nan inven dan tur ngaihtuah a, a tul anga thuamthat tur a ni.
Cyclone leh ruahsur nasa avanga khuarel chhiatna thleng palh a awm anih chuan Mamit District Emergency Operation Centre, Phone No. 0389-2565025/6909891973 ah te biakpawh theih reng an ni a. Tin, mahni bialtu Zonal Officer on Disaster Management, SDO (C) emaw, BDO emaw te hnenah a rang thei ang bera hriattir tur a ni bawk.
