320/2024-2025 

Mamit 20th April, 2024 :  MP General Election - 2024 chu nimin khan Mamit District chhungah tluang taka zawhfel niin, EVM & VVPAT te'n tukin zing dar 4.08 khan Polling Parties recieving counter  (DC Office Complex) thleng kimin, 5:50am khan EVM dahna strong room khar fel a ni.

Nimin MP General Election atana Polling Parties te hian nizan khan District Election Office, Strong Room hi tluang takin an thleng a, Silsury - II chu a thleng tlai ber niin 4:08 am khan an thleng a, 5:50 am khan strong room pawh venhimna tha tak hnuaia vawnhim turin khar fel a ni.

District Election Office chuan MP General Election - 2024 boruak muanawm tak hnuaiah zawhfel a ni chu lawmawm a tiin, Election atana mawhphurhna nei zawng zawngte, polling parties fehchhuak zawng zawngte chungah lawmthu a sawi a ni.

MP Election neih zawh taka Mamit District chhunga vote tla hi 63.22% a ni a. Mamit District chhunga vote tlak thatna ber hi 3-Mamit AS chhunga N.Sabual P/S niin 87.85% a tla a ni.

Tarlan tawh angin Mamit District chhunga Assembly Section pathum 1-Hachhek (ST) A/S, 2- Dampa (ST) A/S leh 3- Mamit (ST) A/S ah hian Polling station 121- awmin, ke a kal ngai khaw 6 leh lawnglenga kal ngai khaw 2 a awm a ni.