321/2024-2025 

Dated Siaha 19th April, 2024 : Zirtawpni -a Siaha District chhunga polling station 81-a inthlan buaipuitu polling party-te chuan tlai dar 5 vote thlak a zawh veleh inthlan nana hman EVM, VVPAT leh lehkha pawimawhte ching felin, an duty-na hmun chhuahsanin Siaha an pan khawm nghal a. Tukin zing dar 3:00 khan polling party-te hian Siaha Receiving Centre an thleng kim chiah a ni.

Polling party-te hi strong room awmna DC New Office Building- ah lo dawnsawn niin, EVM/VVPAT-te chu strong room-ah dah luh nghal zel a ni a. Polling party-te lo thlen kim hnu hian political party ai awhte hriatpuiin strong room hi kalh a, chhinchhiah nghal niin, sipaite'n an ven chhunzawm nghal a ni.