2530/2023-2024

Mamit 28th October, 2023 : Vawiin khan MLA General Election - 2023 atana Mamit District chhung Constituency pathum 1-Hachhek, 2- Dampa leh 3 - Mamit a duty tur Polling Parties, APRO, PRO, PO te tan a thawhhnihna training neih a ni.

Vawiin training hi 1- Hachhek ( ST) A/C te tan DC Conference Hall-ah neih a ni a. Dr. Saithangpuia SDO (Civil)/ BDO W.Phaileng, Pu H. Vanlalbiakzauva BDO Zawlnuam/Kawrthah SDO (Civil) te'n training hi an pe a ni.

2- Dampa (ST) A/C a duty turte hi LAD Conference Hall-ah training neih niin Pu Lalhmingliana SDO (Civil) Kawrthah leh Pi R. Lalrinzuali BDO Reiek te'n zirtirna an pe a. 3- Mamit (ST) A/C ah hian Pi Carolyn L.B. Khiangte, SDO (Sadar) leh Pu Moses Ramdinthara, SDC te'n zirtirna an pe bawk.

Vawiin training petute hi Assembly Master trainer leh District Level Master Trainer te an ni.

Vawiin vek hian Inthlanpuia duty tur Polling Parties-te tan Postal Ballot hmanga vote thlakna neih nghal a ni a. Vawiin-a thlak remchanglo te tan hian ruahman lawk dan chuan thlathar November ni 4 ah hun hawn leh a ni dawn bawk a ni.