Vawiin khan District Research Office, Conference Hall, Mamit-ah Mamit District chhunga Registrar of Birth & Death te tan nikhat awh training neih a ni a, Pu TC Zonunsanga, RO Directorate of Economics & Statistics chuan khuallian niin he hun hi a hmanpui.

Hun hmanpuitu TC Zonunsanga chuan Mamit District chhunga Registrar of Birth & Death thawktute chu hna pawimawh tak thawk an ni tih an in hriat thar a duh thu sawiin Birth Certificate bikah hralh ching an awm anih chuan dan anga hrem theih an nih thu a sawi, Mizoram pumah piang leh thi chiang taka kan hriat theihnan,  an hna ngai pawimawha tuina thar nena rinawm taka thawk tura chahin naupiang thar leh thite chhinchhiah leh certificate pek chhuah kawnga hriat belh tur hrang hrangte zirtirna a nei nghal  bawk a ni.

Pu Zonunsanga chuan Mizoram chhunga naupiang reng reng chu chhinchhiah (Register) vek tur an ni a, hei hi ram mi emaw khua leh tui nihna nen inzawmna nei an nilova, naupiang reng reng chu chhinchhiah vek a ngaih thu a sawi.

Mamit District chhung record hnuhnung ber atanga alan danin naupiang thar chhinchhiah hi mipa 905, hmeichhia 845 niin an vaiin mi 1750 an ni a. Thi (Death) chhinchhiah hi mipa 174 leh Hmeichhia 104 an vaiin mi 278 an ni bawk. Mamit District chhungah Registrar of Birth & Death hi unit 79 a awm mek bawk a ni.

Vawiin training hi Pu Malsawma, District Research Officer Mamit chuan kaihruaiin Mamit District chhunga Registrar of Birth & Death te an tel a ni.