Inter Departmental Co-ordination Committee, Mamit chu an Chairman Pu K Lalthawmmawia, District Bawrhsap Mamit hovin vawiin khan DC Conference Hall-ah an thukhawm.

Pu K Lalthawmmawia chuan Sawrkar Department hrang hrang te chu taksa pakhata peng hrang hrang kan ni tiin, mipui tana thawk vek kan ni a, inlungrual taka kan thawhho a tul a ni a ti.

Inter- Departmental Co-ordination Committee, Mamit-ah hian Mamit District chhunga Sawrkar Department hrang hrang te mipui rawngbawlna kawnga thawhohna tha tak neih theih nan District Bawrhsap hova din a ni a,vawiin meeting-ah hian District hmasawnna tur thil pawimawh tak tak leh Department hrang hrang te inpuihtawn theih dan tur te leh ruahmanna te sawiho a ni a, Mamit leh Aizawl inkar kawng siam that dan tur te, power supply tha zawka an neih dan tur te, leh District Jail luah thuai theih tura hmalakna te, ramngaw leh tuihna humhalh kawnga hmalakna tur te chu an thurel zinga pawimawh zual te an ni.

Meeting-ah hian Department hrang hrang hotute an tel tha hle a ni