1548/2023-2024

Mamit 17th August, 2023 : Vawiin khan Mamit District chhung khaw pahnih-a Village Council By-Election neihna tur atana draft Electoral Rolls-2023 chu Pu V.L. Remliana, District Election Officer/District Bawrhsap chuan a tlangzarh.

Mamit District chhung khaw pahnih, Khawrihnim VC05032 leh Lianbuang (Bekabekya) VC05089-ah te hian Members boral an awm a vang leh dissolve an nih avangin by election hi neih tur a ni a. State Election Commission-in By-Election a puan hunah inthlanna hi neih a ni ang.

Khawrihnim VC05032-ah hian Vote nei mipa 320 leh hmeichhia 331 an awm a, vote nei zawng zawng hi 651 an ni. Lianbuang (Bekabekya) VC05089 ah hian Vote nei mipa 129 leh hmeichhia 117 an vaiin mi 246 vote nei an awm a. Draft Roll tlangzarh takah hian Stages of Revision chu hetiang hi a ni:- Publication of Draft Electoral Rolls hi 17.08.2023 a ni a, Submission of claims and objections hi 18.08.2023 - 23.08.2023 niin, Disposal of claims and objections hi 24.08.2023 - 29.08.2023 a ni a, Publication of Final Electoral Rolls hi 30.08.2023 ah neih a ni ang.

Vawiin Draft Electoral Rolls By-Election to Village Council - 2023 tlangzarh tak hi Political Party hrang hrangte hnenah District Election Officer hian a hlan nghal a ni.

Vawiin Draft Electoral Rolls tlangzarhna-ah hian Election Officials, Political Party hrang hrang aiawh, Tlawmngaipawl aiawh leh thutharthehdarhtute an tel a ni.