Vawiin atang khan nihnih chhung awh tur ‘Police Public Relationship’ tih thupui hmanga training  Mamit District chhunga Police Station hrang hrang a tanga thlan chhuah bik te tan neih a ni.

Vawiin training  hi Addl SP, Mamit Pu P.C Lalchungluran a hawng a, Police Public Relationship chungchanga thupui  thlan bik hrang hrang hmangin zir ho na neih a ni. chawhma hunah hian Police leh NGO’s te  thawhhona tha tih hmangin Pu P.C Laltanpuia SDPO Mamit in zirtirna a pe a, Pi J.H Lalparmawii IPRO (MIS) in Police te leh I&PR leh Media te thawhhona tha zawk awm theih dan tur tih thupui hmangin ziritrna a nei bawk. 

Chawhnu hunah hian Police te leh Medical lam te nena thawhhona tih hmangin Pu Dr P.C Lalliannghaka DMS, Mamit in zirtirna pe-in Pu P.C Lalchunglura Addl S .P in Sawrkar Department dangte leh Police te thawhhona tha a awm theihna tur tih hmangin zirtirna a pe bawk a ni.

Training hi naktukah chhunzawm leh a ni anga, thupui thlan bik hrang hrang zirho leh a ni ang a, heng zingah hian  Vice President Sub Hqtr YMA Mamit, Pu Zatluanga Sailo leh President sub Hqtr MHIP Mamit,  Pi Sapliannguri te hnen atangin YMA leh MHIP te nena thawhho dan tur an zir dawn a ni.  Training ah hian Mamit District chhunga Police Station hrang hrang atangin SI, ASI leh constable thlan bik mi 32 te an tel a, thupui hrang hrang te hi sawihona hun tha tak neih a ni.